Դեղակայունության դեմ պայքարի համաշխարհային արշավը այս տարի անցնում է «Գործենք հիմա. պաշտպանենք մեր ներկան, ապահովենք մեր ապագան» կարգախոսի ներքո և դրա հիմնական նպատակն է` բարձրացնել խնդրի վերաբերյալ իրազեկվածությունը հանրության շրջանում և խրախուսել տարբեր ոլորտների մասնագետներին և քաղաքականություն մշակողներին կիրառել առաջադեմ մոտեցումներ՝ դրա հետագա զարգացումն ու տարածումը կանխելու համար։ Այս մասին հայտնում է ՀՀ առողջապահության նախարարությունը։
Դեղակայունության ժամանակ հակամանրէային դեղերը բակտերիաների, վիրուսների, սնկերի և մակաբույծների վրա չեն ազդում, որի հետևանքով դրանք դառնում են անարդյունավետ:
Ներկայումս դեղակայունությունը անվանում են նաև «Լուռ համաճարակ» և դրա կանխարգելումը պահանջում է միջոլորտային համագործակցություն` ապահովելով տարբեր մասնագետների համատեղ և արդյունավետ աշխատանքը «Մեկ առողջություն» գաղափարի շուրջ, որի հիմնական նպատակն է` դեղակայուն մանրէների տարածումը նվազագույնի հասցնել` հնարավորություն տալով ապագա սերունդներին ունենալ արդյունավետ հակամանրէային դեղեր:
«Հիշեք՝ հակաբակտերիալ դեղերը չեն բուժում վիրուսային հիվանդությունները՝ մրսածությունը, գրիպը։ Հակամանրէային դեղերի օգտագործումը պահանջում է գիտակցված մոտեցում ոչ միայն բուժաշխատողների, այլև յուրաքանչյուրիս կողմից։
Ի՞նչ անել
- Հակաբակտերիալ դեղերը ընդունել միայն բժշկի նշանակմամբ:
- Ձեզ նշանակված հակաբակտերիալ դեղը խորհուրդ չտալ ուրիշներին:
- Չդադարեցնել հակաբակտերիալ դեղերը նշանակված ժամկետից շուտ, նույնիսկ եթե Ձեզ լավ եք զգում»,-նշված է հաղքրդագրության մեջ:
Մանրամասները՝ տեսանյութում:
