Կիրակի օրը ԱՄՆ նախկին նախագահ Ջո Բայդենի անձնական գրասենյակը հայտարարել է, որ նրա մոտ ախտորոշվել է շագանակագեղձի քաղցկեղի չարորակ ձև, որը տարածվել է նաև ոսկորների վրա։
«Անցած շաբաթ նախագահ Ջո Բայդենը ենթարկվել է զննման՝ միզուղիների հետ կապված ախտանիշների աճի պատճառով։ Ուրբաթ օրը նրա մոտ ախտորոշվել է շագանակագեղձի քաղցկեղ՝ Գլիսոնի 9 միավորով (5-րդ աստիճանի խումբ), որի մետաստազները հայտնաբերվել են նաև ոսկորներում»,- նշված է հայտարարության մեջ։
Հայտարարությունում նաև նշվում է. «Չնայած քաղցկեղը չարորակ բնույթ ունի, այն զգայուն է հորմոնային թերապիայի նկատմամբ, ինչը արդյունավետ բուժման հնարավորություն է տալիս»:
