Առողջապահության նախարար Անահիտ Ավանեսյանն այսօր վիրավորվել է լրատվամիջոցից ու փորձել վիրավորել ԶԼՄ-ին՝ վերջինիս հրապարակումը «տխմարություն» որակելով:
Չենք անդրադառնա սույն տիկնոջ գրառմանը, քանի որ իր իսկ կողմից օգտագործված բառը լիովին նկարագրում է այն բոլոր այսպես կոչված «բարեփոխումները», որոնցով նա վերջին տարիներին ընկել է մեր հասարակության ջանին:
«Բարեփոխումներին» բազմիցս ենք անդրադարձել ու կշարունակենք դա անել, քանզի քանի դեռ Անահիտ Ավանեսյանը նախարար է, առողջապահության համակարգը ամեն ինչով զբաղվելու է, բայց ժողովրդի շահերը պահելով ու նրանց կյանքը թեթևացնելով: Այլ կերպ ասած՝ տխմարություններից հետայսու էլ զերծ չենք մնալու:
Բայց Ավանեսյանը, հրապարակելով լուսանկար, թե իր ու փոխնախարար Լենա Նանուշյանի հարաբերությունները փայլուն են, և Նանուշյանը չի հավակնում զբաղեցնել իր տեղը, նաև Նիկոլ Փաշինյանին է ռևերանս արել, թե «տես, գլխիս վերևը տեղ ունես, ես քո արևով եմ երդվում»… սա ՔՊ-ականների կոդերով լեզուն է, մենք այն դժվար հասկանանք (ու փառք Աստծո):
