Արցախից բռնի տեղահանված անձանց ժամանակավոր պաշտպանության ժամկետը մեկ տարով կերկարաձգվի

Հայաստանի կառավարությունն առաջարկում է ևս մեկ տարով՝ մինչև 2027 թվականի դեկտեմբերի 31-ը, երկարաձգել Արցախից բռնի տեղահանված անձանց տրամադրված ժամանակավոր պաշտպանության ժամկետը։ Համապատասխան որոշման նախագիծը կառավարության նոյեմբերի 19-ի նիստի օրակարգում է։

Նախագծի հիմնավորման համաձայն՝ գործող կարգավորմամբ ժամանակավոր պաշտպանություն ստացած անձանց կարգավիճակի ժամկետը սահմանված է մինչև 2026 թվականի դեկտեմբերի 31-ը։ Նոր որոշմամբ առաջարկվում է այն երկարաձգել ևս մեկ տարով՝ պահպանելով հետագա երկարաձգման հնարավորությունը։

Որոշման անհրաժեշտությունը պայմանավորված է նաև տեղահանված անձանց՝ ՀՀ քաղաքացիություն ստանալու դիմումների թվի աճով։ Ըստ ՆԳՆ-ի՝ 2025 թվականի երկրորդ կիսամյակում Հայաստանի քաղաքացիություն ստանալու համար դիմել է ժամանակավոր պաշտպանության կարգավիճակ ունեցող 2154 անձ, իսկ 2026 թվականի առաջին կիսամյակում դիմողների թիվը հասել է 6929-ի։

Գործող կարգավորումների համաձայն՝ ժամանակավոր պաշտպանության վկայականը և «070» ծածկագրով անձնագիրը փոխկապակցված են, Հայաստանից դուրս գալիս դրանք պետք է ներկայացվեն համատեղ։ Բացի այդ, անձնագրի վավերականության ժամկետը լրանալու դեպքում փոխանակման ենթակա է նաև ժամանակավոր պաշտպանության վկայականը։

ՆԳ նախարարության հիմնավորմամբ, կարգավիճակի ժամկետի երկարաձգումը հնարավորություն կտա ապահովել տեղահանված անձանց անձը հաստատող փաստաթղթերի վավերականության շարունակականությունը և վերացնել փաստաթղթերի ժամկետը լրանալու հետևանքով քաղաքացիություն ստանալու գործընթացում հնարավոր վարչական խոչընդոտները։

Հասմիկ Սարգսյան

 

Latest

Հայտնի են 2027 թվականի ձմեռային զորակոչի և զորացրման ժամկետները
Արցախից բռնի տեղահանված անձանց ժամանակավոր պաշտպանության ժամկետը մեկ տարով կերկարաձգվի
Նոյեմբերի 18-ին ԿԲ-ի ռեեստրը ժամանակավորապես չի գործի
Մայքլ Ջեքսոնի ավելի քան 100 անձնական իրեր հայտնվել են աճուրդում
Կոնգոյում էբոլայով վարակման հաստատված դեպքերի թիվը գերազանցել է 11 500-ը
Խոշոր հրդեհ՝ Ջրվեժի «Met Gala» ռեստորանային համալիրում. ժամանել է հրշեջների 4 մարտական հաշվարկ
«Հայաքվեն» Հ1-ի կողմնակալ քաղաքականության վերաբերյալ տեղեկագրեր է ուղարկել միջազգային կառույցներին
Google-ն ու Samsung-ը թողարկում են AI-ով խելացի ակնոցներ
Առաջիկա օրերին Հայաստանում տեղումները կշատանան․ ինչ եղանակ է սպասվում