StarNews-ը գրում է․
Նրանց դիտարկմամբ՝ մրցանակը, որը շնորհվել է ֆրանսիացի դերասանուհու, հարցեր է առաջացրել՝ հաշվի առնելով, որ նույն անվանակարգում ներկայացված էին նաև հայ դերասանուհիներ՝ մասնավորապես Մարջան Ավետիսյանը և Աննա Մաքսիմը։
Հաղորդման ընթացքում նշվել է, որ միջազգային դերասանուհիները իրենց երկրներում ունեն բազմաթիվ հնարավորություններ տարբեր մրցանակաբաշխություններում հաղթելու և ճանաչում ստանալու համար, մինչդեռ Հայաստանում նման հնարավորությունները սահմանափակ են։ Այդ համատեքստում հնչել է միտքը՝
«Մի վերցրեք մարդկանցից իրենց աստղային ժամը․ դա անարդար է»։
Առանձնահատուկ ընդգծվել է Աննա Մաքսիմ-ի աշխատանքը՝ Նազիկ Ավդալյան-ի կերպարը մարմնավորելու համար։ Դերասանուհին ոչ միայն խաղացել է ծանրամարտիկի դերը, այլ բառացիորեն ապրել է այն՝ անցնելով ֆիզիկական և հոգեբանական լուրջ պատրաստություն։ Նրա աշխատանքը ֆիլմում՝ Մեդալի հակառակ կողմը, դարձել է ամենաքննարկվածներից մեկը։
Հաղորդավարները շեշտել են, որ Աննա Մաքսիմը, ըստ իրենց, արժանի էր հենց այդ մրցանակին՝ հաշվի առնելով ներդրած հսկայական ջանքն ու կերպարի ամբողջականությունը։ Սակայն, նրանց կարծիքով, դերասանուհին իր երկրում այդպես էլ չստացավ այն գնահատանքը, որին արժանի էր։
Քննարկումը նորից բարձրացրել է կարևոր հարց՝ արդյոք հայկական մրցանակաբաշխությունները բավարար չափով գնահատո՞ւմ են իրենց արվեստագետներին, թե՞ հաճախ նախապատվությունը տրվում է միջազգային անուններին։
