Բաքվում շարունակվում է Արցախի ռազմաքաղաքական ղեկավարների շինծու դատավարությունը:

Դատական հերթական կեղծ նիստին ներկա չեն եղել անկախ լրատվամիջոցները, իրավապաշտպանները և օտարերկրյա դեսպանատների ներկայացուցիչները։

Ադրբեջանական աղբյուրների փոխանցմամբ՝ այսօր ցուցմունքներով է հանդես եկել Արցախի երկրորդ նախագահ Արկադի Ղուկասյանը։

Նա անդրադարձել է Խոջալուում 1992-ի փետրվարին տեղի ունեցած իրադարձություններին՝ նշելով, որ դրանց մասին տեղեկացել է «պաշտոնական աղբյուրներից»։