Մինչ Կառավարությունը՝ վարչապետ Նիկոլ Փաշինյանի գլխավորությամբ, Հանրապետությունում օր օրի ավելացնում են նոր վերանորոգված դպորցների ու մանկապարտեզների թիվը, որոշ տեղերում էլ հիմնովին վերակառուցվում են նոր դպրոցներ ու մանկապարտեզներ, ու այդ ամենին զուգահեռ վարչապետի խիստ հանձնարարականով նաև մանրադիտակի տակ է դրվել նման հաստատություններում երեխաներին որակյալ սնունդ ապահովելու հարցը:
Երևանի քաղաքապետ Տիգրան Ավինյանն էլ հաճախակի հայտարարում է, որ մայրաքաղաքում չես գտնի որևէ մի դպրոց, որտեղ երեխաներին սնունդ կմատակարարվի հակահիգիենիկ պայամաններում:
Այսօր՝ ապրիլի 9-ին, SHAMSHYAN.com-ը բազմաթիվ հեռախոսազանգեր է ստացել Երևանի Վահան Թեքեյանի անվան թիվ 92 հիմնական դպրոցից, որով ծնողներն իրենց արդարացի զայրույթն էին հայտնում, որ դպրոցում երեխաներին տվող սնունդը մատակարարվում է բառիս բուն իմաստով՝ ամենափնթի ձևով:
Արդյոք Երևանի քաղաքապետ Տ. Ավինյանը կհանդուրժի, որ իր երեխաները սովորեն մի դպրոցում, որտեղ նման փնթի ձևով են երեխաները սնվում, իսկ տնօրենի որդուն էլ վերջերս ոստիկանները բռնել էին, ում մոտ եղած կախազարդում հայտնաբերվել էր թմրամիջոցներ:
Հիշեցնենք, որ մարտի 22-ին հրապարակում էր կատարել «Արմ Սվիթ» ՍՊԸ-ի հայտնած տեղեկության մասին: «Արմ Սվիթ» ՍՊԸ-ի պահեստապետ ներկայացած տղամարդու մայրը, պարզվում է, Երևանում հայտնի դպրոցներից մեկի տնօրենն է:
Այդ դպրոցը Վահան Թեքեյանի անվան թիվ 92 հիմնական դպրոցն է:
