Վլադիվոստոկի ութ հանրակրթական դպրոցներ ուսումնական ծրագրում ներառել են «Ամուրյան վագր» կենտրոնի մշակած «Վագրագիտություն» դասընթացը, հայտնում է «Коммерсантъ»-ը։
Առարկան նախատեսված է հինգերորդ դասարանների աշակերտների համար և նրանց ծանոթացնում է ամուրյան վագրին՝ կենսաբանության, պատմության, աշխարհագրության և այլ գիտությունների ուսումնասիրության միջոցով։
Դասերն արդեն սկսվել են թիվ 32 դպրոցում, իսկ մյուս յոթ ուսումնական հաստատությունները նախագծին կմիանան երկրորդ կիսամյակում։
Դասընթացը կոչված է դպրոցականների մեջ ամբողջական պատկերացում ձևավորելու վագրերի կյանքի և շրջակա աշխարհում նրանց տեղի մասին, ինչպես նաև մեծացնելու բնության պահպանության նկատմամբ հետաքրքրությունը։
2026 թվականի ապրիլին նախագիծն ընդգրկվել է Հեռավոր Արևելքի «Մանկավարժական գարուն» VIII փառատոնի ոսկե ֆոնդում։
«Բնության պահպանության հիմքում դաստիարակությունն է»,— ընդգծել է «Ամուրյան վագր» կենտրոնի գլխավոր տնօրեն Սերգեյ Արամիլևը։ Նրա համոզմամբ, էկոլոգիական մշակույթն անհրաժեշտ է սերմանել վաղ տարիքից։
Բացի այդ, Պրիմորիեի երկրամասի դպրոցներում արդեն տեղադրվել է ամուրյան վագրի մասին 30 տեղեկատվական վահանակ։ Մինչև տարեվերջ նախատեսվում է տեղադրել ևս 60-ը։
