Ես ձեռքերս լվանում եմ. Մոուրինյուն հեռացել է մամուլի ասուլիսից՝ Ռոնալդուի մասին հարցից հետո

Մադրիդի «Ռեալի» գլխավոր մարզիչ Ժոզե Մոուրինյուն իսպանական Լա լիգայի 13-րդ տուրի՝ «Սելտայի» դեմ խաղին նախորդած մամուլի ասուլիսի ժամանակ անսպասելիորեն հեռացել է սրահից։ Պատճառը Պորտուգալիայի ազգային հավաքականում Կրիշտիանու Ռոնալդուի կարիերայի ավարտի վերաբերյալ հնչած հարցն է եղել։

41-ամյա հարձակվողն ազգային ընտրանում ելույթներն ավարտելու մասին հայտարարել էր նոյեմբերի 5-ին և հրաժարվել հրաժեշտի հանդիպում անցկացնելուց։

«Սա Պորտուգալիայի հավաքականի առաջին միջազգային դադարն էր առանց Կրիշտիանու Ռոնալդուի։ Կցանկանայի՞ք որևէ բան ասել այս առիթով»,- հարցրել է լրագրողը։

«Ո՛չ, ո՛չ, ո՛չ, ո՛չ, ո՛չ։ Որպես պորտուգալացի կասեմ միայն մեկ բան՝ ես ուզում եմ, որ Պորտուգալիան միշտ հաղթի։ Դրանից հետո ես ձեռքերս լվանում եմ և ոչինչ չեմ ասում»,- պատասխանել է Մոուրինյուն և հեռացել։

Հավելենք, որ Ռոնալդուն Պորտուգալիայի հավաքականում հանդես է եկել 2003 թվականից՝ անցկացրած 234 խաղում դառնալով 146 գոլի և 45 գոլային փոխանցման հեղինակ։ Ազգային թիմի հետ նա նվաճել է Եվրո-2016-ի չեմպիոնի տիտղոսը և երկու անգամ հաղթել ՈւԵՖԱ-ի Ազգերի լիգայում։

Latest

65 կգ-ից ավելի քաշով ընձառյուծին թույլ են տվել հրաժեշտ տալ դիետային
Տղամարդը գնդակահարել է 15-ամյա խորթ որդուն, վիրավորել 14-ամյա որդուն, հարձակվել կնոջ վրա, ապա ինքնшսպան եղել
Սերիա Ա․ «Յուվենտուս»-ը հաղթել է «Վենեցիա»-ին
Մանկության սիրված մուլտֆիլմերի հեղինակը մահացել է
Նոյեմբերի 24-ին երկնքում կփայլի «Կուղբի Լուսինը». ինչո՞վ է այն առանձնահատուկ
Որքա՞ն կանխիկ գումար կարող եք բերել Հայաստան՝ առանց հայտարարագրելու, և ի՞նչ է սպառնում թույլատրվածից ավելի գումար չհայտարարագրելու դեպքում
Վլադիվոստոկի դպրոցներում կուսուցանվի «Վագրագիտություն» առարկան
Այսօր սպասվում է անձրև. ջերմաստիճանը 3-5 աստիճանով կնվազի
«Ռեալ»-ը Մադրիդում «Սելտա»-ի նկատմամբ կամային հաղթանակ է տոնել