Կառավարությունն այսօրվա նիստում չզեկուցվող նախագծերի թվում ընդունել է 2025թ.-ի ձմեռային զորակոչ հայտարարելու և զորացրում կատարելու մասին որոշումը։
Նախատեսվում է ԶՈՒ համալրման ժամկետը սահմանել 2026թ հունվարի 7-ից մինչև հունվարի 31-ը, իսկ պարտադիր զինվորական ծառայություն անցած զինծառայողների զորացրումն իրականացնել 2026թ. հունվարի 8-ից մինչև հունվարի 31-ը ներառյալ։
Նախագծով կարգավորվում է կամավոր հիմունքներով շարքային կազմի պարտադիր զինվորական ծառայություն անցնելու ցանկություն հայտնած իգական սեռի, ինչպես նաև օրենքի 19-րդ հոդվածի 1.2-րդ մասում նշված արական սեռի քաղաքացիների զորակոչը:
