Շատերը չգիտեն, բայց Հայաստանում մшրմնավաճառությամբ զբաղվելը և դրան նպաստելը տարբեր իրավական հետևանքներ ունեն։ Մեկը վարչական իրավախախտում է, մյուսը՝ քրեական հանցագործություն։ Ճի՞շտ գիտեք ձեր իրավունքները և պատասխանատվության չափը։
Մшրմնավшճառությամբ զբաղվելը՝ վարչական իրավախախտում.
ՀՀ վարչական իրավախախտումների վերաբերյալ օրենսգրքի 179¹ հոդվածի համաձայն՝
Առաջին անգամ խախտման դեպքում. տուգանք՝ սահմանված նվազագույն աշխատավարձի քսանապատիկի չափով։
Կրկնակի խախտման դեպքում. եթե արարքը կատարվել է վարչական տույժ նշանակելուց հետո մեկ տարվա ընթացքում, ապա տուգանքը կազմում է սահմանված նվազագույն աշխատավարձի քառասնապատիկը։
Մարմնավաճառությանը նպաստելը՝ քրեական հանցագործություն.
Ի տարբերություն մшրմնավաճшռությամբ զբաղվելուն, դրան նպաստելը ՀՀ քրեական օրենսգրքի 299-րդ հոդվածով սահմանված քրեական հանցագործություն է:
Հիմնական հանցակազմ՝ պոռնկությամբ զբաղվելու համար հաստատություն ստեղծելը, ղեկավարելը կամ պահելը, կամ այդ նպատակով բնակարան, շինություն, ավտոմեքենա տրամադրելը պատժվում է՝
-
- տուգանքով՝ տասնապատիկից երեսնապատիկի չափով, կամ
- հանրային աշխատանքներով՝ 100-200 ժամ, կամ
- ազատության սահմանափակմամբ՝ մինչև 2 տարի, կամ
- կարճաժամկետ ազատազրկմամբ՝ մինչև 2 ամիս, կամ
- ազատազրկմամբ՝ մինչև 3 տարի։
Ծանրացնող հանգամանքներ. եթե արարքը կատարվել է մի խումբ անձանց կողմից կամ իշխանական լիազորություններն օգտագործելով, պատժվում է ավելի խիստ, ներառյալ՝ ազատազրկում 2-5 տարի ժամկետով։
Առանձնապես ծանրացնող հանգամանքներ. հանցավոր կազմակերպության կողմից կատարելու դեպքում՝ ազատազրկում 3-6 տարի ժամկետով։
Կարևոր է իմանալ.
Պոռնկություն և մարդկանց թրաֆիքինգ. մարմնավաճառությանը նպաստելը չպետք է շփոթել մարդկանց թրաֆիքինգի հետ (ՀՀ քրեական օրենսգրքի 188-րդ հոդված), որն ավելի ծանր հանցագործություն է և ավելի խիստ է պատժվում։
Ոստիկանության լիազորությունները. ՀՀ վարչական իրավախախտումների վերաբերյալ օրենսգրքի 261-րդ հոդվածի համաձայն՝ ոստիկանությունն իրավասու է վարչական ձերբակալում իրականացնել, երբ բավարար հիմքեր կան ենթադրելու, որ անձը զբաղվում է պոռնկությամբ։
