ArmLur.am-ին ահազանգում են, որ հեղուկ գազի գինը կրկին բարձրացել է։ Հեղուկ գազի շուկան կարելի է ասել, որ մղձավանջ է դարձել։ ArmLur.am-ին ահազանգած վարորդների խոսքով՝ նախորդ շաբաթ հեղուկ գազը լցակայաններում 120 դրամ էր, իսկ արդեն այսօր հեղուկ գազի գինը դարձել է 130-140 դրամ։ Վարորդները հայտնում են, որ հեղուկ գազն ամենաթանկը մասնավորապես «Օրանժ» գազալցակայանում է և սովորաբար ամենաթանկը հենց «Օրանժ» գազալցակայանում է լինում։

Նշենք, որ ArmLur.am-ին Տնտեսական մրցակցության պաշտպանության հանձնաժողովից բազմիցս հայտնել են, որ իրենք ուսումնասիրում են շուկաները, որտեղ կան գերիշխող դիրք ունեցող ընկերություններ, իսկ հեղուկ գազի պարագայում դա առկա չէ՝ շուկան մրցակցային է, և այնտեղ ընկերությունների ամենաբարձր մասնաբաժինը 5 տոկոսի չի հասնում։