Վերջերս դեռահասների շրջանում լայն տարածում ստացած «Կարմիր դուռ, դեղին դուռ» խաղը անհանգստությունների ու քննարկումների առիթ է դարձել։

Օրեր առաջ մայրաքաղաքի դպրոցներից մեկում 7-րդ դասարանի մի քանի աշակերտ փորձել են խաղալ «Կարմիր թե դեղին դուռ կոչվող» խաղն ու երբ ուսուցիչները նկատել և միջամտել են, աշակերտներից մեկի ինքնազգացողությունը վատացել է։ Քաղաքապետարանի հանրակրթության վարչությունից NEWS.am–ին հայտնեցին, որ դպրոցի բուժքույրն է օգնություն ցուցաբերել, շտապօգնություն կանչելու անհրաժեշտություն չի եղել։

Դեպքից հետո դպրոցի տնօրինությունը ոչ միայն այդ երեխայի, այլև մյուս աշակերտների հետ է զրուցել, իրազեկել տարածված խաղի ու դրա հետևանքների մասին։