ՀՀ ներքին գործերի նախարարության ոստիկանության պարեկային ծառայության Կոտայքի մարզի գումարտակի պարեկները՝ գումարտակի հրամանատար Լևոն Բադալյանի գլխավորությամբ այսօր՝ ապրիլի 5-ին, Երևան-Աշտարակ ավտոճանապարհի Պռոշյան գյուղի վարչական տարածքում ծառայության կատարելիս նկատում են, որ «Jeep» մակնիշի ավտոմեքենայի վարորդը չարամտորեն խախտում է ճանապարհային երթևեկության կանոները, «Jeep»-ով անցնում է կանաչ գազոնի վրայով և փորձում է հանդիպակաց երթևեկել այն հատվածից, որտեղով թույլատրելիություն չկա:
Պարեկները կանգնեցնում են «ջիպավոր»-ին և տեղում պարզվում է, որ վարորդը ավտոմեքենա վարելու իրավունք չունի, քանի որ, ժողովրդի լեզվով ասած, «պռավա» չունի:
Տեղում պարեկներին է մոտենում մի տղամարդ և հայտնում է, որ ինքը կվարի ավտոմեքենան, սակայն այս դեպքում էլ երբ այդ տղամարդուց պահանջում են, որ նա ներկայացնի վարորդական իրավունքի վկայական, վերջինը արդարանում է, թե պռավա ունեմ, մոտս չի:
Ավտոմեքենան պարեկները տեղափոխեցին հատուկ պահպանվող տարածք:
