Լուրեր են շրջանառվում, որ Շիրակի մարզպետ Դավիթ Առուշանյանն հրաժարական է տալու։ Ըստ շրջանառվող լուրերի` պատճառն այն է, որ Դավիթ Առուշանյանի գլխավորությամբ ձախողել են Սարիկ Մինասյանին Գյումրիի քաղաքապետ դարձնելու գործընթացը։

Oragir.News-ը տեղեկության վերաբերյալ փորձել է պարզաբանում ստանալ Շիրակի մարզպետի աշխատակազմից։

«Ոչ մի նման բան չկա, նման հարց չի էլ քննարկվում, կամ քննարկվել»,-հայտնեցին Շիրակի մարզպետի աշխատակազմից։

Հիշեցնենք, որ Դավիթ Առուշանյանը 2024 թվականի դեկտեմբերի 18-ին է նշանակվել Շիրակի մարզպետ։