Օդաչուն աներևակայելի վթարային վայրէջք է կատարել գլխավոր մայրուղու վրա՝ շարժվող մեքենաների և բեռնատարների արանքում՝ թռիչքից անմիջապես հետո շարժիչի խափանման պատճառով, հայտնում է Mirror-ը։

Թեթևաշարժ ինքնաթիռը բարդ իրավիճակում է հայտնվել և ստիպված է եղել ծայրահեղ միջոցներ ձեռնարկել Բրազիլիայի երկնքում, իսկ վարորդները նկարահանել են մայրուղու վրա ինքնաթիռի ընկնելու պահը, և շատերը մտավախություն են ունեցել, որ դա կարող է հանգեցնել լուրջ վթարի:

Անհավատալի է, որ օդաչուին հաջողվել է խուսափել մոտակա էլեկտրահաղորդման գծերին և շարժվող մեքենաներին բախվելուց և նա բարեհաջող վայրէջք է կատարել, ոչ ոք չի տուժել:

Ավելի ուշ պարզվել է, որ օդաչուն 29-ամյա Մաթեուս Ռենան Կալադոն էր, իսկ նրա ուղևորը՝ 71-ամյա գործարար Վալդեմիրո Խոսե Մինելան, որին էլ պատկանել է ինքնաթիռը։

Ոստիկանությունից հայտնել են, որ միջադեպի հետևանքով ոչ ոք չի տուժել: