Պենտագոնը չի կասկածում, որ Ռուսաստանի Դաշնությունը միջուկային զսպման ուժերը բերել է բարձր պատրաստության վիճակի, ասվում է ԱՄՆ պաշտպանության նախարարության հաղորդագրության մեջ։
Երեկ Ռուսաստանի նախագահ Վլադիմիր Պուտինը հրամայել էր բարձր պատրաստականության բերել ռազմավարակն զսպման ուժերը՝ «ՆԱՏՕ-ից սպառնալից հայտարարությունների պատճառով»:
Պենտագոնի պաշտոնյան նշել է, որ Պուտինի կողմից դա անհարկի քայլ է, քանի որ ՆԱՏՕ-ն Ռուսաստանին երբեք չի սպառնացել, ոչ էլ Ուկրաինան։ Սա էսկալացիա է, քանի որ ներգրավվում են ուժեր, որոնք սխալ հաշվարկի դեպքում իրավիճակը կարող են շատ ավելի վտանգավոր դարձնել, ասել է նա։
«Մենք շարունակում ենք վստահ լինել մեր դաշնակիցներին և գործընկերներին պաշտպանելու մեր կարողության մեջ, այդ թվում՝ ռազմավարական զսպման ոլորտում», ասել է պաշտոնյան։
