«Անձամբ եմ ականատես եղել՝ Երևանի կենտրոնում ինչ է կատարվում։ Հեծանվով կառավարությունից Բաղրամյան 26 հասնելու խնդիր ունեի խցանումների պատճառով։ Չէի կարող՝ մտածելով, որ հեծանվով հնարավոր չէր անցնել»,-ասել է վարչապետ Նիկոլ Փաշինյանն՝ անդրադառնալով խցանումներին։

«Լավ, մեքենաները բերում են, որտե՞ղ են տեղավորելու։ Ես համաձայն եմ, որ խցանման պարագայում նույնիսկ էլեկտրոմոբիլ լինի»,-ընդգծել է նա:

Վարչապետը տեղեկացրել է, որ հանձնարարել է ՆԳՆ-ին, ՏԿԵՆ-իը և Երևանի քաղաքապետարանին՝ ստեղծել ճգնաժամային խումբ։

Ըստ նրա՝ քաղաք չկա, որտեղ հեծանիվ վարելու համար ճանապարհը հարթ է, և սովորական հեծանվով էլ կարելի է գնալ, օրինակ, Նորքի զանգված. «Ես անձամբ Երևանի բարձրադիր թաղամասերով հեծանվով անցել եմ, բայց կան հեծանիվներ, որ էլեկտրական շարժիչով են և առանց մեծ ջանքի կարելի է բարձրանալ. ավելի լավ է՝ մի քիչ քրտնել, քան շատ ներվայնանալ»։

Ըստ նրա՝ խցանումները մարդու նյարդային համակարգի վրա վատ են ազդում»,-շեշետել է վարչապետը։ Նա նաև շեշտել է. «Այն, ինչ երեկ տեսա, սարսափելի է ուղղակի, դա բառից բուն իմաստով ճգնաժամ է»։