«Հնարավորություն լինի՝ կխնդրեմ նաև իր մասնագիտական տեսանկյունից զննի, եթե անհրաժեշտություն կա՝ մի հատ սրսկի»,- ասել է հասարակական, քաղաքական գործիչ Էդգար Ղազարյանը՝ իմփիչմենթի օրակարգով Առողջապահության հարցերի մշտական հանձնաժողովում նախատեսված հանդիպումից առաջ լրագրողների հետ ճեպազրույցի ժամանակ։ «Հերթական անգամ ներկայացել եմ ընդունելության։ Այս անգամ ընդունելությունը մի քիչ առանձնահատկություն ունի, որովհետև ես վատառողջ եմ և միայն այս նպատակով եմ այսօր տնից դուրս եկել։ Գիտեմ նաև, որ հանձնաժողովի նախագահի պարտականությունները կատարողը մասնագիտությամբ բուժքույր է (նկատի ունի Հռիփսիմե Հունանյանին-խմբ.), եթե հնարավորություն լինի՝ կխնդրեմ նաև իր մասնագիտական տեսանկյունից զննի, եթե անհրաժեշտություն կա՝ մի հատ սրսկի, տեսնենք էլի, քանի որ դա իր մասնագիտությունն է, ես էլ այս վիճակում եմ՝ կարող է նաև ինչ-որ բժշկական օգնություն էլ փորձի ցուցաբերել։ Տեսնենք, գոնե դա կարո՞ղ է անել, թե՞ չէ»,- ասել է Էդգար Ղազարյանը։
