2023 թվականի դեկտեմբերի 13-ին Հայաստան վերադարձան 44-օրյա պատերազմում գերեվարված 32 անձինք։ Նրանց թվում էին նաև Շիրակի մարզի Զույգաղբյուր գյուղի բնակիչներ՝ Ավագյան Սերոբը, Ավետիսյան Վաղարշակը, Դիլանյան Արմանը և Սերոբյան Գեղամը։
Զույգաղբյուրի վարչական ղեկավար Վահան Դիլանյանի փոխանցմամբ՝ վերադարձից հետո նախկին գերիներից յուրաքանչյուրն այսօր զբաղված է իր գործով։ «Սերոբը մեկնել է Ռուսաստան և արդեն մի քանի տարի է՝ չի բնակվում գյուղում։ Արմանը աշխատում է գյուղում՝ գազի քաշում, Գեղամը վարորդ է հիվանդանոցում, իսկ Վաղարշակը զբաղվում է անասնապահությամբ»,- «Փաստինֆո»-ի հետ զրույցում նշեց Դիլանյանը։
Գեղամն ու Արմանը ամուսնացած են, գյուղում են ապրում։ Սակայն նրանք սոցիալական որևէ աջակցություն չեն ստանում։ Դիլանյանի խոսքով՝ նախկին գերիները չեն դիմել համայնքապետարան՝ որևէ օգնություն ստանալու համար։
Վերադարձած հայորդիները փորձում են ինքնուրույն հաղթահարել դժվարությունները ու ինտեգրվել հասարակական կյանքին։
