Սննդակարգում արմավ ներառելը բարելավում է մարսողությունը, ինչպես նաև գլխուղեղի ու սրտանոթային համակարգի աշխատանքը։ Այս մասին, ինչպես հաղորդում է Health պորտալը, ասել է բժշկական գիտությունների դոկտոր, սննդաբան Սինտիա Սասը։
Մասնագետի խոսքով՝ այս մթերքը պարունակում է մեծ քանակությամբ վիտամիններ ու հանքանյութեր, այդ թվում նաև կալցիում, երկաթ, մագնեզիում ու ցինկ։ Բացի այդ, այս միրգը հարուստ է նաև բնական հակաօքսիդանտներով, որոնք օժտված են հակաբորբոքային հատկություններով։ Ավելին՝ արմավի մեջ պարունակվում են նաև հակամանրէային ազդեցությամբ օժտված միացություններ, որոնք մասնակցում են վարակիչ հիվանդությունների դեմ պայքարին։
«Ընդամենը երեք արմավն արդեն իսկ ապահովում է աղեստամոքսային տրակտի նորմալ աշխատանքի համար անհրաժեշտ մանրաթելերի օրական անհրաժեշտ չափաբաժնի 18%-ը», – նշում է Սասը՝ հավելելով, որ արմավը նաև նվազեցնում է սրտի հիվանդությունների զարգացման հավանականությունը, կարգավորում է արյան մեջ շաքարի մակարդակն ու շատ օգտակար է Ալցհեյմերի հիվանդությունով հիվանդների համար։
