Օստեոպորոզը ոսկորներն ախտահարող հիվանդություն է, որի առաջացմանը նպաստող գործոններից մեկը կարող է լինել դաշտանադադարից հետո կանանց օրգանիզմում էստրոգեն հորմոնի մակարդակի նվազումը։ Նոր հետազոտությունը ցույց է տվել, որ էստրոգենի մակարդակի նվազումը հանգեցնում է ոսկրային հյուսվածքների կորստի, ինչն էլ դառնում է օստոեպորոզի զարգացման պատճառ։
Նախորդ հետազոտությունները միայն ենթադրում էին օստեոպորոզի ու մինչ 40 տարեկանը զարգացած ձվարանների առաջնային անբավարարության միջև կապի առկայությունը, սակայն սա առաջինն է, որը նման մեծ մասշտաբներով է անցկացվել՝ ընդգրկելով ավելի քան 12 հազար մասնակից։
Այն հաստատել է նախկինում անցկացված ոչ մեծ հետազոտությունների արդյունքները, որոնք ցույց են տվել վաղ դաշտանադադարի ու ձվարանների առաջնային անբավարարության կապը ոսկրային հյուսվածքների հանքանյութային խտության ու օստեոպորոզի միջև։ Մասնավորապես՝ ապացուցվել է, որ ձվարանների առաջնային անբավարարություն ունեցող կանանց մոտ բարձր է հետագայում օստեոպորոզի զարգացման և դրա դեմ դեղահաբերի ընդունման անհրաժեշտության վտանգը։
