Փոփ դիվա Դուա Լիպան շարունակում է նշել իր առաջիկա տարեդարձը՝ և դա անում է ոճային ձևով։ 29-ամյա երգչուհին, որը չորեքշաբթի օրը կդառնա 30 տարեկան, կիսվել է Իբիցայում անցկացված երեկույթից մի շարք ապշեցուցիչ լուսանկարներով։

Աստղը ընտրել էր համարձակ դեկոլտեով փայլուն արծաթե զգեստ, որը ցուցադրում էր նրա բրոնզե արևայրուքը և նիհար կազմվածքը։ Երգչուհին իր կերպարը լրացրել էր արծաթե զարդերով և բարակ ժապավեններով սանդալներով, որոնք տեսողականորեն երկարացրել են նրա ոտքերը։

«Ընկերուհիս ինձ համար հիանալի զգեստ է պատրաստել ևս մեկ կատարյալ գիշերվա համար… Շնորհակալություն, Ջուլի։ Թվում է, թե ես պետք է սկսեմ տորթերս հաշվել», – գրել է Դուան մակագրության մեջ՝ ակնարկելով առաջիկա տոնական երեկոների շարքի մասին։

Երգչուհին այժմ հանգստանում է կղզում ընկերների և փեսացուի՝ Քալում Թըրների հետ։ Լուսանկարում վերջինը քնքշորեն գրկում է Դուային, մինչ նա կեցվածք է ընդունում տեսախցիկի առջև։

Մեկ այլ գրառման մեջ երգչուհին մոմեր է փչում վարդագույն գլազուրով հսկայական տորթի վրա, մինչդեռ կադրում հայտնվում է նրա մտերիմ ընկերը և երգեչի համահեղինակ Մուստաֆան։

Երկրպագուները երգչուհուն ողողել են ոգևորված մեկնաբանություններով. «Գեղեցկուհի», «Աստվածուհի», «Դու երբեք չես դադարում զարմացնել քո տեսքով»։

Նյութը՝ այստեղ․