Հետաքննող լրագրող Լիլիթ Աղեկյանը մեկ ամսով կալանավորվել է։ Աղեկյանը գտնվում է Աբովյան ՔԿՀ-ում։ Գյումրեցի լրագրողին տեսակցության են գնացել ԱԺ «Հայաստան» դաշինքի պատգամավորները, ինչպես նաև ՄԻՊ Անահիտ Մանասյանը, ով աշխատանքային այցով այսօր Գյումրիում էր։
Նշենք, որ Լիլիթ Աղեկյանի փաստաբանը` Զարուհի Փոստանջյանը, ով այս պահին այս գործում չունի ներգրավածություն հայտարարել է, որ Լիլիթ Աղեկյանի նկատմամբ կատարվածը քաղաքական հետապնդում է։
Փաստաբանը նաև հայտնել է, որ լրարգրողը խոշտանգվել և ենթարկվել է նվաստացման, ինչը ՆԳՆ խոսնակը հերքել էր։
Oragir.News-ի թղթակիցն է եղել Լիլիթ Աղեկյանի բնակարանում։ Լիլիթ Աղեկյանի մայրն ու քույրը լրագրողների հետ չեն շփվում։ Հեռախոսազանգերին չեն պատասխանում, իսկ տան դուռը փակ էր, հարևաններն էլ խուսափողական պատասխաններ են տվել:
