Իսպանիայում ձերբակալվել է զույգ, որը չորս տարի տանը երեխաներ է պահել Քաղաքային ոստիկանության պետը ձերբակալված զույգի բնակության վայրը անվանել է սարսափների տուն. 53-ամյա փիլիսոփայության պրոֆեսորը և նրա 48-ամյա կինը իրենց երեք երեխաներին փակել են տան պատերի մեջ և չորս տարի դուրս չեն թողել՝ կորոնավիրուսային վարակի վախի պատրվակով։
Չնայած այն հանգամանքին, որ երկու երեխաները ութ տարեկան էին, իսկ երրորդը՝ տասը, նրանք տակդիրներ էին կրում։ Բացի այդ, նրանք բժշկական դիմակներ էին կրում։ Ոստիկաններից մեկը հայտնել է, որ երեխաները շոկի մեջ են եղել, երբ նրանց դուրս են բերել բնակարանից։ Իրավապահ մարմինների աշխատակիցները հայտնել են, որ տան ներսում իրավիճակը չի համապատասխանում սանիտարական չափանիշներին, շուրջը հայտնաբերվել է մեծ քանակությամբ աղբ և բժշկական պարագաներ։
Ծնողները մեղադրվել են ընտանեկան բռնության մեջ։ Բժշկական զննումից հետո երեխաները տեղավորվել են անչափահասների կենտրոնում։
