Ջենիֆեր Լոպեսն իր «Up All Night» համաշխարհային շրջագայության շրջանակում առաջին անգամ ելույթ կունենա Հայաստանում։ On The JLo-ի Instagram-ում հրապարակված տեղեկատվության համաձայն՝ համերգը տեղի կունենա օգոստոսի 3-ին՝ Վազգեն Սարգսյանի անվան հանրապետական մարզադաշտում։
«Իմ բոլոր միջազգային երկրպագուների համար ես այս ամառ մի քանի շոուներ եմ կազմակերպում: Չեմ համբերում, որ նորից տեսնեմ բոլորիդ: Շատ երկար ժամանակ է անցել: Հրաշալի ամառ է լինելու»,- գրել է Ջեյ Լոն իր Instagram-ում:
Շրջագայությունը մեկնարկում է հուլիսի 1-ին՝ Թուրքիայում։ Իր շրջագայության ընթացքում Լոպեսը մինչ Հայաստան գալը ելույթ կունենա Եգիպտոսում, Իսպանիայում, Հունգարիայում, Իտալիայում, Լեհաստանում, Ռումինիայում, Արաբական Միացյալ Էմիրություններում և Ղազախստանում:
