Հայ-ադրբեջանական պատերազմն ընթանում է ոչ միայն առաջնագծում, այլև համացանցային տարբեր հարթակներում: Հակադարձելով ադրբեջանցիների հայտարարություններին, թե Արցախն իրենց պատմական տարածքն է՝ հայ օգտատերերն ստեղծել են #OlderThanAzerbaijan հեշթեգը, որտեղ տեղադրում են բազմաթիվ լուսանկարներ, որոնցում պատկերված մարդիկ և իրերն ավելի հին են, քան 1918-ին արհեստականորեն ստեղծված Ադրբեջանը: Հեշթեգի տակ ծաղրվում է նաև ՌԴ վարչապետ Դմիտրի Մեդվեդևի թվիթերյան գրառումը. «Ադրբեջանի հետ բարեկամական ավանդույթները ձևավորվել են դարեր շարունակ: Գնահատում ենք փոխհարաբերությունների մակարդակը»:
Հայ օգտատերերը Մեդվեդևին խորհուրդ են տվել պատմություն սովորել՝ հիշեցնելով, որ իր պապն ավելի հին է, քան Ադրբեջանը:
