Քառօրյա պատերազմում զոհված հերոս Ադամ Սահակյանի մայրը՝ Գայանե Անտոնյանը, հուզիչ գրառում է կատարել՝ հիշելով Ռոբերտ Աբաջյանի մայրիկին՝ Աննա Աբաջյանին։
«Երևի մի 9 տարվա նկար է. Նոր Հաճնի դպրոցներից մեկում հայրենասիրական միջոցառում էր։ Էս պահին մեծարանքի խոսքեր էին ուղղում մեր տղաներին։ Հետո երկուսով քայլեցինք դեպի փողոց ու սիրտ-սրտի տված խոսեցինք մեզ հուզող թեմաներից։ Երբ պետք է նստեինք մեզ ուղեկցող մեքենաները, դու ասացիր.
«Արի միասին գնանք, շատ բան ունեմ հետդ խոսելու…»
Աննա ջան, բարի ճանապարհ, ամուր կգրկես տղերքին, մինչ հանդիպում…»։
Այս տողերը լի են ցավով, կարոտով ու մայրական անսահման սիրով, որոնք միավորում են իրենց որդիներին կորցրած մայրերին։
Նշենք, որ Աննա Աբաջյանը կյանքից հեռացել է նախօրեին։ Նա 52 տարեկան էր։ Նրա մահը մեծ կորուստ է ոչ միայն ընտանիքի, այլև ողջ հասարակության համար։
