Ամանորի գիշերն այն ժամանակն է, երբ երազանքներն ավելի զորեղ են դառնում։ Այս կախարդական ժամերին կենդանակերպի յուրաքանչյուր նշան ստանում է էներգիայի իր չափաբաժինը, տիեզերական ազդակներն ու տրամադրությունը։ Բացահայտեք, թե ինչ է պատրաստել աստղային քարտեզը ձեզ համար տարեմուտի այդ խորհրդավոր պահին։
Նոր՝ 2026 թվականը կմեկնարկի հինգշաբթի՝ հունվարի 1-ին։
♈ Խոյ
Ամանորյա գիշերը կանցնի վառ և աշխույժ մթնոլորտում։ Ձեզ սպասվում է էներգիայի հզոր ներհոսք, ուշադրության կենտրոնում լինելու ձգտում և ոգեշնչող մտահղացումներ։ Հրաշալի ժամանակ է համարձակ երազանք պահելու համար․ աստղերը սիրով կսատարեն ձեր վճռականությանը։
♉ Ցուլ
Գիշերը խոստանում է լինել հարմարավետ և ջերմ։ Հոգեկան ներդաշնակություն, համեղ հյուրասիրություն, հաճելի միջավայր․ ահա ձեր իդեալական սցենարը։ Աստղերը ձեզ կհուշեն կարևոր մի միտք ապագայի մասին, եթե տոնական եռուզեռի մեջ կարողանաք մի պահ առանձնանալ և վայելել լռությունը։
♊ Երկվորյակներ
Աստղերը ձեզ համար նախապատրաստել են ակտիվ շփումներ, անսպասելի հանդիպումներ և վառ հույզեր։ Հնարավոր են զվարճալի զուգադիպություններ, հետաքրքիր զրույցներ և անգամ նոր ծանոթություններ։ Գիշերը կպարգևի բարձր տրամադրություն և ոգեշնչման մեծ լիցք։
♋ Խեցգետին
Ամանորյա գիշերը լի կլինի ջերմությամբ և սենտիմենտալ պահերով։ Ձեզ սպասվում է հոգեհարազատ մթնոլորտ մտերիմների շրջապատում և ճշմարիտ ուղու զգացողություն։ Հնարավոր է՝ ունենաք ներքին համոզմունք, որ եկող տարին իր հետ բերում է ինչ-որ շատ կարևոր բան։
♌ Առյուծ
Ձեզ սպասվում է շքեղ երեկո։ Դուք կփայլեք, կգրավեք բոլորի ուշադրությունը և կհայտնվեք հիացական հայացքների կենտրոնում։ Ճիշտ պահն է ամենահամարձակ ու գլոբալ ցանկությունները պահելու համար․ նոր տարում դրանց իրականացման հավանականությունը հատկապես մեծ է։
♍ Կույս
Ամանորյա գիշերը կանցնի խաղաղ, բայց շատ հաճելի։ Դուք կզգաք մտքի պայծառություն և ներքին հավասարակշռություն։ Հիանալի առիթ է նպատակները վերաիմաստավորելու կամ լուռ, բայց մթնոլորտային տոնակատարություն կազմակերպելու համար։
♎ Կշեռք
Երեկոն կանցնի գեղեցկության, ժպիտների և ներդաշնակության մթնոլորտում։ Հնարավոր են անակնկալ հաճոյախոսություններ կամ ջերմ խոստովանություններ։ Աստղերը բարեհաճ են տրամադրված սիրո, նուրբ ռոմանտիկայի և թեթև սիրախաղի հանդեպ։
♏ Կարիճ
Գիշերը խոստանում է լինել խորը և հագեցած հույզերով։ Հավանական է որևէ կարևոր բացահայտում, ներքին վերափոխում կամ անսպասելի խոսակցություն։ Աստղերը դրդում են դեպի նորացում․ մի՛ դիմադրեք այդ ընթացքին։
♐ Աղեղնավոր
Տոնը կանցնի այնպես, ինչպես դուք սիրում եք՝ ուրախ, վառ և արկածներով լի։ Հնարավոր է ինքնաբուխ փոքրիկ խնջույք կամ ճամփորդության հանկարծակի առաջարկ։ Հրաշալի ժամանակ է ճանապարհորդությունների հետ կապված երազանք պահելու համար։
♑ Այծեղջյուր
Դուք կզգաք վստահություն, կայունություն և նոր ձեռքբերումների նախազգացում։ Գիշերը բարենպաստ է պլանների մշակման, խորհրդանշական արարողությունների և կարևոր որոշումների համար։ Թող ձեր ցանկությունները լինեն հավակնոտ․ դա միայն ձեր օգտին է։
♒ Ջրհոս
Ամանորյա գիշերը կբերի յուրօրինակ գաղափարներ, անսպասելի իրադարձություններ և կախարդանքի թեթև շունչ։ Հնարավոր է վառ ծանոթություն կամ ստեղծագործական թռիչք։ Տրամադրվեք նորույթներին․ դրանք արդեն շատ մոտ են։
♓ Ձկներ
Ռոմանտիկա, ինտուիցիա և հրաշք․ ահա գիշերվա գլխավոր թեմաները։ Դուք հատկապես զգայուն կլինեք մթնոլորտի և ճակատագրի նշանների նկատմամբ։ Ժամացույցի զարկերի ներքո պահված երազանքը զարմանալի կերպով իրականանալու շանս ունի։
