Մեն նահանգի 35-ամյա բնակչուհի Լորեն Հարկինսը, որը երբեք սեռական հարաբերություն չի ունեցել, բացահայտ խոսում է իր կյանքի մասին և ծաղրի է ենթարկվում իր կուսության համար, բայց հրաժարվում է լռել։
Instagram-ում և TikTok-ում Հարկինսը հաճախ է բախվում մեկնաբանությունների, որ «չի վարվում կույսի պես»։ Նա դա բացատրում է նրանով, որ չի համապատասխանում ուրիշների կողմից սպասվող ամաչկոտ կամ սոցիալապես անհարմար աղջկա կարծրատիպին։
«Ցանկացած հանրային հարթակ իր հետ բացասականություն է բերում»,- ասում է շիկահերը։ «Քննադատությունը սովորաբար հանգում է կանխատեսելի կատեգորիաների՝ մեղադրանքներ ստելու, «հնացած» լինելու, ուշադրություն գրավելու, նարցիսիզմի և այլնի մեջ։ Հիմա դա ինձ վրա չի ազդում»։
Մարդիկ հաճախ ենթադրում են, որ Հարկինսը կրոնական է և «ինքն իրեն խնայում է» ամուսնության համար, ինչը նույնպես կեղծ կարծրատիպ է։ «Ես գնահատում եմ նվիրված, ներդաշնակ, երկարատև հարաբերությունները, այլ ոչ թե ավանդույթը ավանդույթի համար»,-ասում է նա։ «Ես այն գերավանդական կերպարը չեմ, որը նրանք փորձում են ինձ պարտադրել, բայց ես նաև այն ժամանակակից կինը չեմ, որը վայելում է պատահական հանդիպումները և պատահական հարաբերությունները»։
Միայն վերջին տարիներին է Հարկինսն ավելի բաց դարձել սիրավեպի հնարավորության համար՝ խոստովանելով, որ դեռահասության և քսան տարեկանի սկզբին նա «պատրաստ չէր»։ «Հիմա ես սկսում եմ մոտենալ այդ պատրաստակամությանը, և դրանում ամոթալի ոչինչ չկա, ընդհակառակը, դա շատ գիտակցված է»,-ընդգծել է նա։
«Ես սպասում եմ ճիշտ կապի, այլ ոչ թե միայն առաջինին, որը կհանդիպի ինձ։ Ես երբեք չեմ բռնվի վախից կամ հուսահատությունից դրդված զիջումների գնալիս»,-հայտարարում է Հարկինսը։
«Ես հետևում եմ իմ սեփական ճանապարհին, և ես սիրում եմ այն»։
