Համաշխարհային ԶԼՄ-ները հրապարակում են Հնդկաստանում տեղի ունեցած ավիավթարից ողջ մնացած միակ տղամարդու լուսանկարը։ Ըստ հաղորդված տվյալների՝ 242 մարդուց միայն նա է փրկվել։
Տղամարդը ստացել է կրծքավանդակի, աչքերի և ոտքերի վնասվածքներ և այժմ գտնվում է հիվանդանոցում՝ բժիշկների հսկողության տակ։
40-ամյա Վիշվաշ Կումար Ռամեշը Մեծ Բրիտանիայի քաղաքացի է, նա այցելել էր ընտանիքին Հնդկաստանում և վերադառնում էր Մեծ Բրիտանիա եղբոր հետ։ Նա նստած էր 11A տեղում։
Hindustan Times-ին տված հարցազրույցում Ռամեշն ասել է. «Թռիչքից մոտ 30 վայրկյան անց հանկարծ բարձր աղմուկ լսվեց ու ինքնաթիռը սկսեց ընկնել։ Ամեն ինչ շատ արագ տեղի ունեցավ»։
