Չինաստանի Ուհան քաղաքում 22-ամյա ուսանող Դու Ցզյունհաոն մարմնի 90%-ից ավելի այրվածքներ է ստացել, երբ իր բնակարանում լիցքավորվող էլեկտրական հեծանիվի մարտկոցը պայթել է։

Բժիշկները երկար ժամանակ պայքարել են նրա կյանքի համար, սակայն լուրջ վնասվածքների հետևանքով ստիպված են եղել անդամահատել նրա ձախ ձեռքի երկու մատները։ Այս մասին գրում է NDTV-ն։

Դու Ցզյունհաոյի ընտանիքը բուժման համար ծախսել է մոտ 380 հազար դոլար և արդեն դատական հայց է ներկայացրել մարտկոցների արտադրողի դեմ՝ վնասի փոխհատուցում պահանջելով։