Գյուղի ուղղությամբ այսօր գիշեր կրակոցներ են լսվել, տեղացիները լսել են դրանց ձայները, Tert.am-ի հետ զրույցում ասաց Սյունիքի մարզի սահմանամերձ Խնածախ գյուղի վարչական ղեկավար Սեյրան Միրզոյանը:
«Վերջին անգամը համարենք այսօրը, գիշերն ենք կրակոցի ձայներ լսել: Մի խոսքով, մարտի 20-ից մինչև օրս կա, էլի: Ինտենսիվ կրակոցներ չեն, հեռու դիրքերից մի տասն անգամ կրակոցներ ենք լսում»,-ասաց Միրզոյանը:
Անդրադառնալով տեղացիների տրամադրությանը՝ նա նշեց. «Նորմալ է, բայց անհանգստություն կա մեջները, որ այսքան երկար ժամանակ կրակոցներ չեն եղել, բայց հիմա կա, դրա համար են մտահոգ, քանի որ հիմա գյուղատնտեսական աշխատանքներով են զբաղված»:
Հիշեցնենք, որ պաշտպանության նախարար Սուրեն Պապիկյանը մարտի 26-ին խորհրդարանում հայտնել էր, որ սահմանի երկայնքով կրակոցների դեպքեր լինում են, սակայն դրանք Հայաստանի ուղղությամբ չեն:
