Այսօր տեղի է ունենում դերասան Գոռ Համբարձումյանի հարսանեկան արարողությունը։ Զույգը նախընտրել է հայկական ավանդական հարսանիք կազմակերպել։ Գոռը զուռնա-դհոլի ուղեկցությամբ գնացել է հարսի տուն, որից հետո էլ տեղի է ունեցել պսակադրությունը։
Նշենք, որ Գոռը երկար ժամանակ ցույց չէր տալիս սիրելիին, սակայն պարբերաբար ակնարկում էր, որ հարաբերությունների մեջ է։
Հավելենք նաև, որ տարիներ շարունակ քննարկվում էին Գոռի և դերասանուհի Մարիամ Ալեքսանյանի հարաբերությունները։ Գոռը Մարիամին անակնկալ ամուսնության առաջարկություն էր արել, որն էլ վերջինս ընդունել էր։ Սակայն որոշ ժամանակ անց սկսեցին լուրեր պտտվել, որ զույգը բաժանվել է։ Այդ խոսակցություններից հետո միայն Մարիամը խոստովանեց, որ իրենք բաժանվել են։ Նա հարցուպատասխան էր կազմակերպել ինստագրամյան իր էջում, որի ժամանակ արդյո՞ք նշանված է հարցին պատասխանել էր՝ ոչ:
Սկզբնաղբյուրը՝ StarNews.am: