News.am
ԱԱԾ նախկին տնօրեն Միքայել Համբարձումյանը, ով այսօր` դեկտեմբերի 20-ին, ԱԱԾ բարձրաստիճան սպաների հետ այցելել է Եռաբլուր, լրագրողների հետ զրույցում ասաց, որ երեկ ամբողջ օրը հետեւել է Եռաբլուրում տեղի ունեցող իրադարձոություններին:
Նշենք, որ երեկ առավոտից «Եռաբլուրում» հավաքված ազատամարտիկներն ու զոհվածների հարազատները կառավարության նախաձեռնած սգո երթը դիմավորեցին «Նիկոլ դավաճան, Նիկոլ թուրք» վանկարկումներով:
Փաշինյանն ամբողջ երթի ժամանակ շրջապատված էր անվտանգության աննախադեպ մեծ թվով աշխատակիցներով, իսկ երթի դիմացից գնում էին զրահապատ մեքենաներ: Մինչեւ երթը կհասներ «Եռաբլուր», պանթեոն բերվեցին մեծ թվով ոստիկանության աշխատակիցներ, այդ թվում` կարմիր բերետավորներ: առաջին անգամ կիրառվեց փամփուշտներից պաշտպանող ճամպրուկ և անձրևանոց:
Քաղաքացիներն ինչ-որ բաներ նետեցին նրա ուղղությամբ, ինչից հետո անվտանգության աշխատակիցները սկսեցին սև անձրևանոցներով ու ճամպրուկներով պաշտպանել նրան:
Փաշինյանի մուտքը Եռաբլուր արգելելու համար հավաքված քաղաքացիները, որոնց թվում կային նաև զոհերի հարազատներ, պատ էին կազմել՝ փորձելով թույլ չտալ Փաշինյանին առաջ շարժվել, սակայն ոստիկանները հրմշտելով հեռացրին նրանց Փաշինյանի ճանապարհից։