Իմ ամբողջական զորակցությունն եմ հայտնում Բագրատ Սրբազանի նախաձեռնությանը։ Այս մասին հայտարարություն է տարածել Մշակույթի նախկին նախարար Հասմիկ Պողոսյանը։
Մենք պետք է կանգ առնենք ինքնաոչնչացման ճանապարհին և վերադառնանք մեր արմատներին, մեր մշակույթին ու ավանդույթներին։ Սա ոչ միայն մեր ինքնության պահպանման, այլեւ մեր երկրի շարունակականության ապահովման խնդիր է։
Այսօր ես ստիպված եմ լինել տարագրության մեջ՝ քաղաքական հետապնդման պատճառով: Բայց իմ մտքերն ու հոգին Հայաստանի ու նրա մշակույթի հետ են, իմ արմատների հետ:
Կոչ եմ անում Հայաստանի մշակույթի նվիրյալներին անհատական և խմբային կարգով սատարել Բագրատ Սրբազանի շարժումը՝ հանուն մեր հայրենիքի ապագայի:
Եկել է մեր արժանապատվությունը և հայ ժողովրդի գիտակցությունը վերականգնելու ժամանակը։ Մենք պետք է ստեղծենք հզոր իշխանություն՝ նվիրված մեր երկրի ու մեր ժողովրդի շահերին։ Եկել է ազգի համախմբման և վերածննդի ժամանակը։ Ես հավատում եմ մեր ներուժին և դժվարությունները հաղթահարելու մեր կարողությանը։
Թող Աստված օրհնի մեզ, և թող Մայր Եկեղեցին օգնի մեզ վերականգնելու մեր հպարտությունը և կրկին տերը դառնանք մեր ճակատագրի ու մեր երկրի։