Բանալին մեքենայի մեջ էր թողել․ Հրազդանում «07»-ը գողացել են, կասկածյալները հայտնաբերվել են

Ավտոմեքենայի գողության վերաբերյալ ահազանգը ՆԳՆ 112 օպերատիվ կառավարման կենտրոնում ստացվեց նոյեմբերի 14-ին։ Ահազանգով մեկնեց Համայնքային ոստիկանության Հրազդանի բաժնի օպերատիվ խումբը։ Ահազանգողն իրավապահներին հայտնեց, որ ժամը 15․30-ից 16-ն ընկած ժամանակահատվածում Հրազդանի Կենտրոն թաղամասում կայանված «ՎԱԶ-2107» մակնիշի իր մեքենան գողացել են՝ օգտվելով բանալին մեքենայի վրա լինելու հանգամանքից։

Կոտայքի մարզային քննչական վարչությունում նախաձեռնվեց քրեական վարույթ, որի շրջանակում ձեռնարկած օպերատիվ-հետախուզական միջոցառումների արդյունքում Հրազդանի համայնքային ոստիկանները ձեռք բերեցին փաստական տվյալներ, որ գողությունը կատարել են նույն թաղամասի բնակիչ 38 և 46 տարեկան տղամարդիկ։

Երկուսն էլ հայտնաբերվել են և գողացված մեքենայով հանդերձ տեղափոխվել համայնքային բաժին։ Տղամարդիկ ներկայացվել են նախաքննական մարմին և տեղափոխվել ձերբակալվածների պահման վայր։

Նախաքննությունը շարունակվում է։

Latest

Շուրջ 87,5 մլն ՀՀ դրամի չափով տուգանք է նշանակել «Վիվա Արմենիա»-ի, «Յուքոմ»-ի և «Տելեկոմ Արմենիա»-ի նկատմամբ
ԱՄՆ-ն ներկայացնող Լևոն Արոնյանը հաղթել է ադրբեջանցի գրոսմայստերին
Երևան-Կապան չվերթն իրականացնող ինքնաթիռը հետ է վերադարձել․ հայտնի է պատճառը
Կոմիտասի անվան ազգային լարային քառյակի ղեկավարից հափշտակել են 6 մլն դրամ, 1780 եվրո և 41 հազար դոլար
«Նուբարաշեն» բանտը պետք է փակվի․ ՄԻՊ
Օրը գնալով կարճանում է․ որքան է այժմ տևում ցերեկը Հայաստանում
Բանալին մեքենայի մեջ էր թողել․ Հրազդանում «07»-ը գողացել են, կասկածյալները հայտնաբերվել են
Օդաճնշիչ հրացանը փորձարկելիս կրակել է կնոջ եղբորը և սպանել
Բրազիլիայում օդանավակայանում ձերբակալվել է հայազգի գործարար Կարեն Մարգարյանը