Շենգավիթի համայնքային ոստիկանները սրճեփ սարքերից գողության դեպքեր են բացահայտել

Համայնքային ոստիկանության Շենգավիթի բաժնի ծառայողները օրերս բացահայտել են սրճեփ սարքերից կատարված գողության մի քանի դեպք։ Առաջին դեպքով ահազանգը ստացվել էր դեռևս սեպտեմբերի 24-ին։ Բագրատունյաց պողոտայում գտնվող մի ընկերության ներսում տեղադրված սարքը բացել էին հարմարեցված բանալիով և տարել մոտ 80 հազար դրամ։

Համայնքային ոստիկանների միջոցառումներն արդյունք տվին նոյեմբերի 4-ին։ Առավոտյան ժամը 8-ին մայրաքաղաքի Կոմիտասի պողոտայի բնակիչ 35-ամյա տղամարդը ձերբակալվեց իր տանը։ Շենգավիթի բաժնում նա խոստովանեց արարքը և հավելեց, որ նույնատիպ գողություն կատարել է նաև Բագրատունյաց պողոտայի այլ հասցեում։

Երկրորդ դեպքը կատարվել էր հոկտեմբերի 24-ին։ Շիրակի փողոցում կոտրել էին սրճեփ սարքը և գողացել մոտ 90 հազար դրամ։

Համայնքային ոստիկանները պարզել են կատարողի ինքնությունը։ Կոտայքի մարզի Եղվարդ քաղաքում բնակվող 26-ամյա տղամարդը ձերբակալվել և ներկայացվել է նախաքննական մարմին։

Երկու դեպքով էլ նախաքննությունը շարունակվում է։

 

Latest

«Հարսանիքը չեղարկել ենք». Քրիստինե Մարգարյանը տեսանյութ է հրապարակել
Ողբերգական դեպք, «Հատիս» ռեստորանում հարսանեկան արարողության ժամանակ 39-ամյա կին է կյանքից հեռացել
8 տարվա դադարից հետո Ջոնի Դեփը կրկին կինովարձույթի առաջին տեղում է
Քրեական ոստիկանները հայտնաբերել են առողջությանը ծանր վնաս պատճառելու մեղադրանքով հետախուզվողին
Շեղումներ՝ «Դիլի» և «Թամարա» ընկերությունների տարբեր արտադրատեսակներում
Սևանա լիճ է բաց թողնվել Սևանի իշխանի «Գեղարքունի» ենթատեսակի 705,700 հատ մանրաձուկ
Շենգավիթի համայնքային ոստիկանները սրճեփ սարքերից գողության դեպքեր են բացահայտել
Ծնողները միաբերան ասել են՝ խնդրում ենք այս մարդուն պահեք, մենք իր աշխատանքից գոհ ենք. Ավինյանը՝ երաժշտական դպրոցի տնօրենի հետ կապված տեսանյութի մասին
Մուսաևը 6 կրակոց է արձակել հայ կնոջ ուղղությամբ, զենքով սպառնացել երեխաներին, հափշտակել գումար, հեռախոս և երկու ձախ կոշիկ