Star.news-ը գրում է․ Դերասանուհի և բլոգեր Էլիզ Մելիքյանը այս օրերին գտնվում է Հռոմ քաղաքում՝ իրականացնելով իր վաղեմի երազանքներից մեկը։ Նա սոցիալական հարթակներում կիսվել է լուսանկարներով, որոնք անմիջապես գրավել են հետևորդների ուշադրությունը։

Հրապարակմանը կից Էլիզը գրել է շատ հուզիչ ու անկեղծ խոսքեր․
«Փոքր ժամանակ պատմության դասագրքերում էի նայում էս նկարներին ու ուղղակի պատկերացնում՝ ոնց կլիներ, եթե հայտնվեի էստեղ… Էդ ժամանակ էս ամենը շատ հեռու էր թվում, գրեթե անիրական մի աշխարհ էր։ Հիմա կանգնած եմ հենց էստեղ ու դեռ լիովին չեմ գիտակցում, որ սա իրականում գոյություն ունի»։

Էլիզի կադրերը իսկապես աչք են շոյում․ Հռոմի պատմական շինությունները, արևի մայրամուտի գույները՝ ամեն ինչ փոխանցում է մի յուրահատուկ ջերմություն ու ռոմանտիկ տրամադրություն։ Նրա հրապարակումները ոչ միայն գեղեցիկ են, այլ նաև ոգեշնչող՝ հիշեցնելով, որ երազանքները իսկապես իրականություն են դառնում։