«3-րդ մուտք» հաղորդման հյուրն օրերս եղել է 44-օրյա պատերազմի մասնակից Վարազդատ Սանեյանը՝ իր ընտանիքի՝ կնոջ և որդու հետ։
Զրույցի ամենահուզիչ հատվածներից մեկում նա պատմում է, թե ինչպես է կարողանում առանց թևերի կատարել առօրյա բազմաթիվ գործողություններ։ Ավելին՝ նա ինքնուրույն վարում է մեքենա՝ ոտքերով, և հենց այդպես էլ ընտանիքի հետ Սևանից հասել է Երևան՝ մասնակցելու հաղորդմանը։
Սակայն ամենահուզիչ պահը կապված էր նրա որդու հետ։ Վարազդատը պատմում է, որ նույնիսկ առանց թևերի կարողանում է գրկել իր երեխային՝ օգտագործելով ուսերը։ Այդ տեսարանը և պատմությունը անտարբեր չեն թողել ոչ մեկին։
Չնայած դժվարություններին՝ նա չի սիրում դրանց մասին բարձրաձայնել․
«Դժվար իրականում շատ բաներ կան, ես ցույց չեմ տալիս, բայց դժվարություններ շատ կան․․․ Չեմ ուզի նշել, հասկանալի կլինի կարծում եմ»,– նշել է նա։
Վարազդատ Սանեյանի պատմությունը ևս մեկ անգամ ապացուցում է, որ մարդկային կամքն ու սերը կարող են հաղթահարել նույնիսկ ամենածանր փորձությունները։
