Հնդկաստանի Մահարաշտրա նահանգում 103-ամյա կինը «հարություն է առել» սեփական հուղարկավորության ժամանակ, որը տեղի է ունեցել նրա ծննդյան օրը, հաղորդում է Hindustan թերթը։

«Հարյուրերեքամյա Գանգաբային մահացած էին համարում։ Ամեն ինչ պատրաստ էր հուղարկավորության արարողության համար», – ասվում է հոդվածում։

Ըստ ավանդույթի, կնոջ տան դիմաց վրան էր տեղադրվել, և նրան հագցրել էին հուղարկավորության սարի: Հուղարկավորությանը հավաքվել էր ընտանիքի և ընկերների մեծ բազմություն, որոնք արդեն սպասում էին դին տեղափոխող մեքենային:

 

«Այնուամենայնիվ, սգացող հարազատները զարմացան՝ տեսնելով, թե ինչպես է մահացածը սկսում շարժվել և նստել։ Ամենազարմանալին այն է, որ սա տեղի է ունեցել նրա ծննդյան օրը», – գրում է պարբերականը։

Հուղարկավորության ընթրիքի փոխարեն ընտանիքի անդամները ոգևորությամբ նշել են նրա 103-ամյակը։