Դեկտեմբերի 17-ին Մոսկվայի մարզի Օդինցովոյի շրջանի Գորկի-2 գյուղում դպրոցականը դանակով հարձակվել է աշակերտների վրա։

Դեպքը տեղի է ունեցել Ուսպենսկայա դպրոցում։ MSK1.RU-ն, հղում անելով տեղեկատվության և երիտասարդական քաղաքականության նախարարությանը, գրում է, որ մեկ աշակերտ զոհվել է, իսկ երեքը՝ վիրավորվել։ «112» թելեգրամյան ալիքի տվյալներով՝ վիրավորվել է երկու մարդ։

«Осторожно, Москва» թելեգրամյան ալիքն էլ հաղորդում է, որ 15-ամյա դպրոցականը դանակով հարձակվել է աշակերտի և անվտանգության աշխատակցի վրա։ Զոհվածը 11-ամյա չորրորդ դասարանի աշակերտ էր։

Հարձակվողն արդեն ձերբակալվել է։

Ողբերգական դեպքին ինստագրամյան իր էջում անդրադարձել է նաև ռուսաստանաբնակ հայ դիմահարդար Գոհար Ավետիսյանը։ Նա, մասնավորապես գրել է․

«Սիրտս կտոր-կտոր է լինում ցավից․ փոքրիկ հրեշտակ, հանգչիր խաղաղությամբ»։