Երգչուհի Մաշա Մնջոյանը 2009 թվականին Գյումրիից տեղափոխվել է մայրաքաղաք ու այստեղ մի քանի հասցե փոխել: Այսօր արդեն նա բնակարան ունի Երեւանում:
«Երբ ապրում էի իմ երեւանյան ուսանողական տարիները, բազմաթիվ տներ ու հասցեներ են փոխվել, սենյակներ, հարեւաններ, միջավայրեր: Ամեն ինչ գալիս ու գնում էր, բայց մի բան միշտ անփոփոխ մնաց՝ իմ սերը Երեւանի հանդեպ։ Այդ սերը միշտ իմ տունն էր, նույնիսկ երբ իմ իրական տունը դեռ չունեի: Եվ ահա, կատարվեց իմ 16 տարվա երազանքը: Ես վերջապես ունեմ իմ սեփական անկյունն իմ ամենասիրելի քաղաքում՝ Երեւանում»,- հայտնել է նա:
Երգչուհին խոստովանել է, որ ճանապարհը հեշտ չէր. փորձություններ ու սպասումներ են եղել: Նա համոզված է, որ ամեն ինչ լինում է ճիշտ պահին. «Եվ թող այս տանը եւ բոլորի տներում միշտ լույս, սեր, եւ խաղաղություն լինի: Ժամանակն է այս տան պատերին տալ իմ շունչը. վերանորոգել, ձեւափոխել, դարձնել ավելի հարմարավետ ու տաքուկ, ինչպես ես եմ տեսնում ու զգում իմ սրտում»։
