Ընդդիմադիր պատգամավոր Աննա Մկրտչյանի ելույթից հետո ԱԺ-ում իրավիճակը լարվեց: «Ոխ են հանում ՀՀ քաղաքացիներից՝ բեմադրված պատժիչ գործողություններով: Վերջին արարը Գյումրիի հրապարակում էր: Չեմ գուշակի՝ որտեղ կլինի հաջորդն ու քաղաքացիների որ խմբի նկատմամբ կկիրառվի, բայց վստահ եմ՝ այն շարունավելու է: Եկեղեցականների կալանավորումներ, հասարակության ներկայացուցիչների նկատմամբ խոշտանգումներ, անարգանք… Ձեզ էլ առաջարկ ունեն, հարգելի՛ հայրենակիցներ, ասում են՝ շնորհակալ եղեք, որովհետև գործ կարելու փոխարեն, նիկոլական բանդան կարող էր հրահանգ ստանալ ձեզ սպանելու»,- Աննա Մկրտչյանի այս հայտարարությունից հետո փոխխոսնակ Ռուբեն Ռուբինյանը նախազգուշություն հայտարարեց նրան՝ հորդորելով անջատել խոսափողը: Դահլիճում իրավիճակը լարվեց: «Ողջունենք տիկին Մկրտչյանի տիրոջը՝ Սերժին ու իր բանդային»,- ասաց Ռուբինյանը: Տեղից լսվում էր Մկրտչյանի արձագանքը: Ռուբինյանը հորդորում էր լռել. «Մի հատ ձենդ կտրի, աղջի՛կ ջան»:
