Մոսկվան Ռուսաստանի նախագահ Վլադիմիր Պուտինի և նրա ամերիկացի գործընկեր Դոնալդ Թրամփի նոր հանդիպումից Ուկրաինայում խաղաղությանը մոտենալու հնարավորություն է ակնկալում: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է Lenta-ն։
«Առաջինը՝ առաջ շարժվել Ուկրաինական կարգավորման խաղաղ հունով։ Նաև հնարավորություն կլինի հանդիպումն օգտագործել մեր երկկողմ հարաբերությունները քննարկելու համար», – ասել է Կրեմլի ներկայացուցիչը՝ պատասխանելով Հունգարիայում կայանալիք գագաթաժողովից ակնկալիքների մասին հարցին։
