ԱԺ «Հայաստան» խմբակցության պատգամավոր Արթուր Սարգսյանը եզրափակիչ ելույթից հետո փորձեց դուրս գալ ԱԺ դահլիճից, մինչև կալանավորումն իր ընտանիքի հետ անցկացնելու համար։
Ղալումյանի հետևից վազեցին նաև այլ պատգամավորներ։ Այդ պահին ԱԺ դահլիճ մուտք գործեցին մեծ թվով անվտանգության աշխատակիցներ։ Իրավիճակը լարվեց։
Խառնաշոթ իրավիճակում պատգամավորները դահլիճում նկատեցին մի տղամարդու, որն ԱԺ պատգամավոր չէ։
«Ո՞վ է սա։ Անհայտ մարդ։ Ո՞վ ես դու, որ պատգամավորի հետ այդպես է խոսում»,-հարցեր հնչեցրեցին ընդդիմադիր օրեսդիրները։
Այդ ընթացքում տղամարդը դուրս վազեց ԱԺ դահլիճից։
Անհայտ տղամարդը ՔՊ-ական Արման Բարխուդարյանն էր, Մալաթիա-Սեբաստիա վարչական շրջանի նախկին ղեկավարը։ Մամուլի ուշադրության կենտրոնում նա հայտնվեց ԱԱԾ կողմից բրման ենթարկվելու ժամանակ։ «Ժողովուրդ»-ը գրել է, որ Բարխուդարյանը «Քաղաքացիական պայմանագիր» կուսակցության Մալաթիա-Սեբաստիա վարչական շրջանի տարածքային կառույցի խորհրդի անդամ է, որը հայտնի է ընտրակեղծարարությունների դիմելու իր հակումով, ինչպես նաև սկանդալային վարքագծով:
Ա. Բարխուդարյանը շատ ակտիվ իր ֆեյսբուքյան էջում կիսվում է Նիկոլ Փաշինյանի՝ եկեղեցու, հոգևորականների հասցեին հնչեցրած վիրավորանք, սպառնալիք, հայհոյանք պարունակող գրառումներով։
