Փաշինյանը սեպտեմբերին նոր համաձայնագիր կստորագրի. ինչ է տեղի ունենալու սահմանին

«Հրապարակ» օրաթերթը գրում է.

Արդեն հայտնի է, որ մոտ ապագայում կառավարության եւ ՌԴ-ի միջեւ պայմանավորվածություն ձեռք կբերվի Գեղարքունիքի մարզի Սոթք-Խոզնավար հատվածում ռուս խաղաղապահների տեղակայման մասին, որից հետո զորքը դուրս կբերվի առաջնագծից։ Բանակցությունների փաստը երեկ հաստատել է Զինված ուժերի գլխավոր շտաբի պետ Արտակ Դավթյանը՝ լրագրողների հետ ճեպազրույցում։

Հարցին՝ ադրբեջանական կողմն արդեն համաձայնությունը տվե՞լ է, Դավթյանը պատասխանել է.

«Մենք մեր տարածքում Ադրբեջանին հարցնելու ոչինչ չունենք, բայց բանակցություններն ընթանում են կողմի հետ, որովհետեւ կան հարցեր: Մեր նպատակն է՝ առանց բախումների ադրբեջանական ստորաբաժանումների հետքաշումը սահմանին, ու ամբողջությամբ մեր տարածքում պետք է իրականացնենք միջոցառումներ: Անհրաժեշտության դեպքում մենք համագործակցում ենք ռուսական կողմի հետ»։

Մեր ինքնիշխան տարածքն այլ պետության խաղաղապահներին վստահելու ԳՇ պետի խրոխտ մեկնաբանությունից ակնհայտ է, որ միայն հայկական կողմի զորքն է հետ քաշվելու, եւ դժվար է ասել, թե արդյունքում ինչ կարող է տեղի ունենալ մեր սահմաններին։

Տեղեկություններ կան նաեւ, որ Նիկոլ Փաշինյանն աշնանը, ամենայն հավանականությամբ՝ սեպտեմբերին, կստորագրի մի համաձայնագիր, որով, ըստ էության, կճանաչի Ադրբեջանի տարածքային ամբողջականությունը։

Latest

Ադրբեջանցիների ոչխարները մտել են ՀՀ տարածք
Երևանում 40–ամյա օտարերկրացուն ստիպել են իրենց փոխանցել 250 հազար դոլար և 50 հազար դոլարին համարժեք կրիպտոարժույթ
Որո՞նք են սեզոնային աշխատանքները և ի՞նչ պետք է իմանան աշխատողները
«Նույնիսկ Հիտլերն էր ձգտում խաղաղության»․ Հովիկ Աղազարյան
Ո՞ր խմբերի առողջության ապահովագրական փաթեթի արժեքը կվճարվի պետության կողմից. օրենքի նախագիծ
«Պատիվ ունեմ» խմբակցությունը հայտարարություն է տարածել
«Կյանքը հիմա է և ես այն սիրում եմ խենթի պես». Իրինա Թովմասյան
«Ամառ եմ բերել». Հռիփսիմե Հակոբյանը նոր տեսահոլովակ է ներկայացրել
Ի՞նչ է թաքնված լուսնի տակ․ Առողջության կարևորագույն նշաններ