«Բռնությունն ու վիրավորանքը չեն կարող արդարացվել»․ ՀՌՀ-ն՝ Հանրայինի եթերի մասին

Հեռուստատեսության և ռադիոյի հանձնաժողով՝ երեկ Հանրային հեռաուստաընկերության եթերում «Մեծ բանավեճ» հաղորդման ժամանակ ծեծռկտուքի մասին․

«Հանրային հեռուստաընկերության «Մեծ բանավեճ» հաղորդման հեռարձակումը նոյեմբերի 15-ին ընդհատվել է սեռական բնույթի արտահայտությունների ու ֆիզիկական բռնության ցուցադրությամբ։ Եվ այս ողջ ընթացքը եթեր է հեռարձակվել առանց խմբագրումների։

Հեռուստատեսության և ռադիոյի հանձնաժողովը հայտնում է իր մտահոգությունն ու տարակուսանքը Հանրային հեռարձակողի նման եթերային քաղաքականության կապակցությամբ։ Անթաքույց բռնությունն ու վիրավորանքը չեն կարող արդարացվել բանավեճին հրավիրված անձերով, թեժ քննարկմամբ, դիտելիություն ապահովելու սին մղումով կամ նույնիսկ ձևական անաչառությամբ։

Հանրային գործառույթ ունեցող ու հեռարձակող մեդիայի ոլորտում օրինակելի դեր կատարող հեռուստաընկերությունը նման իրավիճակներում պարտավոր է հարգել օրենքի պահանջները, չբորբոքել լսարանի հույզերը և զերծ մնալ բռնության օրինականացումից եթերում։ Իրավական հարցերից զատ գոյություն ունեն նաև զուտ էթիկական և մասնագիտական մոտեցումներ, որոնք հեռարձակող ընկերությունների համար առաջնային են՝ անգամ այն դեպքում, երբ լուսաբանվում են բռնության տեսարաններ պարունակող բարձր ամբիոնների անցուդարձը։

Ի վերջո, գոյություն ունեն բանավեճի մասնակիցների սադրանքներին դիմակայելու, լարվածությունը մեղմելու, բռնությունը կանխելու, թեման կառուցողական հուն տեղափոխելու մասնագիտական հնարքներ, հատկապես, երբ խոսքը ոչ թե ուղիղ եթերի, այլ նախապես նկարահանված հաղորդման մասին է։

ՀՌՀ-ն իր կարգավորման դաշտում գտնվող հեռարձակողների հանդեպ միշտ ցուցաբերել է խիստ մոտեցում հատկապես բռնության, ատելության խոսքի ու վիրավորանքների տարածման հարցում՝ գիտակցելով, թե որքան մեծ է տեսալսողական մեդիայի դերը հանրային փխրուն համերաշխությունը պահպանելու, սթափ ու գիտակված դատողություններ անելու շեշտադրմամբ բովանդակություն կառուցելու ուժը»։

Latest

Ծնողները միաբերան ասել են՝ խնդրում ենք այս մարդուն պահեք, մենք իր աշխատանքից գոհ ենք. Ավինյանը՝ երաժշտական դպրոցի տնօրենի հետ կապված տեսանյութի մասին
Մուսաևը 6 կրակոց է արձակել հայ կնոջ ուղղությամբ, զենքով սպառնացել երեխաներին, հափշտակել գումար, հեռախոս և երկու ձախ կոշիկ
«Նուբարաշեն» ՔԿՀ-ում հոգեմետ դեղահաբեր են հայտնաբերել․ բուժքույրը ձերբակալվել է
Բաքվի ճարտարապետական դիմագծի կերտողը հայ է
Իտալիան առաջ է անցել ԱՄՆ-ից․ որտեղ են ամենաշատը մեքենա ունեցող ընտանիքները
Toyota Crown սեդանը նոր հատուկ տարբերակ է ստացել
Իրավիճակը ՀՀ ավտոճանապարհներին․ կան փակ ու դժվարանցանելի հատվածներ
Գևորգ Գրիգորյանը բացահայտել է՝ որտեղ և երբ է սկսվել իր նոր սիրո պատմությունը
Հարսանիքի տորթը դեռ չէին հասցրել կտրել. մահացած 15-ամյա տղան հարսի քրոջ որդին էր, վարորդը` 17-ամյա պատանին, վիրավոր է