Կարլսենին հաղթելուց հետո․ ինչպե՞ս դասավորվեց Հայկ Մարտիրոսյանի և Յան Նեպոմնյաշչիի դիմակայությունը

Հայաստանի հավաքականի առաջատար գրոսմայստեր Հայկ Մարտիրոսյանը Հունգարիայի մայրաքաղաք Բուդապեշտում ընթացող Total Chess World Championship Tour Pilot 2026 մրցաշարի խմբային փուլի 4-րդ տուրում ուժերն է չափել ռուսաստանցի անվանի շախմատիստ Յան Նեպոմնյաշչիի հետ։

Նոյեմբերի 14-ին կայացած դիմակայության առաջին պարտիայում Մարտիրոսյանը խաղացել է սպիտակ խաղաքարերով։ Հավասար պայքարում ընթացած հանդիպման 31-րդ քայլին գրոսմայստերները համաձայնել են կիսել միավորը։

Պատասխան պարտիայում, որտեղ հայ շախմատիստը հանդես էր գալիս սևերով, պայքարը լարված և փոփոխական ընթացք է ունեցել։ Թեև Նեպոմնյաշչին մի քանի անգամ դիրքային առավելություն է ստացել, Մարտիրոսյանին հաջողվել է վերականգնել հավասարակշռությունը։ Սակայն վճռորոշ է դարձել 32-րդ քայլը․ Հայկի 32…g4 քայլից հետո ռուսաստանցի գրոսմայստերը ստացել է կայուն հաղթական դիրք և 42-րդ քայլին ստիպել մեր շախմատիստին անձնատուր լինել։

Այսպիսով, խաղային օրվա երկու պարտիաների արդյունքում վաստակելով 1 միավոր՝ Հայկ Մարտիրոսյանը 11 միավորով նահանջել է C խմբի մրցաշարային աղյուսակի 2-րդ հորիզոնական։ Առաջատարը 12 միավորով նիդերլանդցի Անիշ Գիրին է։

Հիշեցնենք, որ նախորդ տուրում՝ նոյեմբերի 13-ին, Հայկ Մարտիրոսյանը փայլուն հաղթանակ էր տարել աշխարհի 16-րդ չեմպիոն Մագնուս Կարլսենի նկատմամբ (առաջին պարտիայում հաղթել էր սպիտակներով, իսկ երկրորդն ավարտել ոչ-ոքի)՝ միանձնյա գլխավորելով խմբի աղյուսակը։

Հավելենք, որ մրցաշարի խմբային փուլում 24 շախմատիստներ բաժանված են 4 խմբի (6-ական մասնակից)։ Յուրաքանչյուր տուրում մրցակիցները միմյանց դեմ անցկացնում են երկու պարտիա՝ գույների փոխատեղմամբ (հաղթանակը գնահատվում է 3, իսկ ոչ-ոքին՝ 1 միավոր)։ Վաղը՝ նոյեմբերի 15-ին, Մարտիրոսյանի մրցակիցը կլինի հնդիկ գրոսմայստեր Աբհիմանյու Միշրան։

Աղբյուրը՝ Armsport.am:

Latest

«Բռնությունն ու վիրավորանքը չեն կարող արդարացվել»․ ՀՌՀ-ն՝ Հանրայինի եթերի մասին
Տեսանյութ. Ինչպես է Երանոսում «Mercedes G»-ն բախվում «Նիվային»․ կա վիրավոր
«Դուստր Մարիաննա»-ի 2 տեսակի պաղպաղակներում խախտումներ են հայտնաբերվել. ընկերությունը տուգանվել է 16,7 մլն դրամով
Ողբերգական դեպք՝ Գեղարքունիքի մարզում. Սևանի տներից մեկում հայտնաբերվել է ծխահարված տղամարդու մարմին
Սևանում սիգի որսի արգելք․ նավակներն ու որսամիջոցները պետք է դուրս բերվեն լճից
Փակել է տան դուռն ու դանակով հարվածներ հասցրել կնոջը․ ամուսնու նկատմամբ քրեական հետապնդում է հարուցվել
Ուշիում ավտովթարից զոհված զույգը ընդամենը 3 ամիս առաջ էր նշանադրվել
Լատվիա-Հայաստան․ լավագույն ֆուտբոլիստ՝ Ալեքսանդր Միշիև. ֆուտբոլիստների գնահատականները
«Մի քանի օրից մեկնում եմ». Էլիզ Մելիքյանը նոր տեսանյութ է հրապարակել