Ինչպես են Արմավիրում նորածին տղա երեխային գցել զուգարանը. ահա թե ովքեր են մեղադրյալները

Մ. Բ.-ն մեղադրվում է այն բանի համար, որ նա անզգուշությամբ կյանքից զրկել է իր դստեր ծնված երեխային։

Այսպես.

Մ. Բ.-ի դուստրը դեռևս 2024 թվականի հունիս ամսին տեղեկացել է, որ արտաամուսնական կապի արդյունքում հղիացել է։

2024 թվականի դեկտեմբերի 28-ին՝ ժամը 16:00-ի սահմաններում, գտնվելով 34-35 շաբաթական հղիության վիճակում, ՀՀ Արմավիրի մարզի Արաքս բնակավայրի Ս. Գրիգորյան փողոցի 41 տանը, վաղաժամ սկսված ծննդաբերության արդյունքում, Լ. Շ.-ն լույս աշխարհ է բերել արական սեռի երեխա։

Ծննդաբերությունից մոտ մեկ ժամ անց, երբ երեխան արտասվել է և ձայներ է հանել, Լ. Շ.-ն՝ սենյակում լինելով միայնակ և գտնվելով հոգեճնշող վիճակում, երեխային փաթաթել է ջինսե տաբատով և խեղդամահ անելու եղանակով դիտավորությամբ ապօրինաբար փորձել է կյանքից զրկել։ Այնուհետև, կարծելով թե երեխան մահացել է, նրան հանձնել է Մ. Բ.-ին և ասել, որ տանի գցի զուգարանը։

Արդյունքում՝ Մ. Բ.-ն հանցավոր անփութությամբ, կարծելով թե երեխան մահացած է, այն պայմաններում, երբ պարտավոր էր և կարող էր նախատեսել երեխայի ողջ լինելու հանգամանքը և իր արարքի վտանգավոր հետևանքի առաջացման հնարավորությունը, տարել և նետել է երեխային ՀՀ Արմավիրի մարզի Արաքս բնակավայրի Ս. Գրիգորյան փողոցի 41 տան հողամասի տարածքում գտնվող զուգարանը։

Վերջինս մահացել է շնչառական անցքերի և ուղիների օտարածին գորշադեղնադարչնավուն կղանքանման չտարբերակվող զանգվածներով փակվելու (օբտուրացիայի) հետևանքով առաջացած մեխանիկական շնչահեղձությամբ՝ անզգուշությամբ կյանքից զրկվելով։

2025 թվականի հունվարի 3-ին երեխայի դին հայտնաբերվել է քրեական վարույթի շրջանակներում կատարված դեպքի վայրի զննության արդյունքում։

Քրեական գործն ուղարկվել է դատարան։

Մանրամասները՝ տեսանյութում

Latest

Կամրջի տակ ընկած կնոջ մարմինը հայտնաբերվել է մի քանի կմ հեռավորության վրա
Ինչպես են Արմավիրում նորածին տղա երեխային գցել զուգարանը. ահա թե ովքեր են մեղադրյալները
Կյանքից հեռացավ հայտնի քաղաքագետ, վերլուծաբան
Քաղաքացու ճամպրուկում կոկորդիլոսի գլուխ են հայտնաբերել
ԱԳՆ աշխատակից Աշխեն Առաքելյանը կալանավորվել է
Ի՞նչու են կանայք նստած ժամանակ ոտքերը խաչում․ հոգեբանական և մշակութային տեսանկյուններ
Կարինա Նիգայը ժայռից ցատկ է կատարել՝ ամուսնության համար. Տեսանյութ
Ադրբեջանի օգտին լրտեսության մեջ կասկածվող հյուպատոսը սիրային կապի մեջ է եղել ադրբեջանցու հետ․ՄԱՆՐԱՄԱՍՆԵՐ
Առաջին բանը, որ տեսաք նկարում, կպատմի ձեր մասին ողջ ճշմարտությունը